د جنازې د لېږد د تأیید/حمایوي لیک د غوښتنې لپاره، لاندې اسناد اړین دي:

• د افغان تابعیت ثبوت: غوښتونکی باید د مړ شوي کس د تذکرې یا د افغان پاسپورټ کاپي واستوي.
• غوښتونکی باید د مړینې سند چې د اړوند ښاروالۍ له خوا صادر شوی وي، واستوي.
• دغه سند معمولاً لاندې معلومات لري
• د مړي په اړه جزئیات: د مړي په اړه شخصي معلومات.
• د کورنۍ معلومات (د والدینو، اولادونو او مخکنۍ مېرمنې جزئیات)
• د وفات علت او طبي وضعیت
• د راپور ورکوونکي معلومات (نوم، پته، او له متوفی سره د خپلولي بڼه)
• د طبي برخې تأیید: دا تأییدوي چې د متوفی د انتقال پر مهال، هېڅ ډول روغتیایي خطر د نورو وګړو یا د ورتګ هېوادونو ته متوجه نه دی.
• د کفن کولو تأیید: دا سند ښیي چې متوفی د اسلامي اصولو یا اړونده دیني/سیمهییزو رواجونو له مخې کفن شوی دی.
• فیس: دا خدمت وړیا وړاندې کېږي.