مونشن - د آلمان فدرالي جمهوریت
مونشن - د آلمان فدرالي جمهوریت
تثبیت هویت سند
د تثبیت هویت سند ترلاسه کولو لپاره معلومات
د افغانستان اتباع چې په جرمني کې ژوند کوي، په ځانګړي ډول هغه کسان چې په بایرن او بادن-وورتمبرګ ایالتونو کې اوسیږي او د پېژندنې اسناد لکه تذکره یا ملي پاسپورټ نه لري او د جرمني چارواکو لپاره د هويت ثبوت ته اړتیا لري، کولای شي د دې قونسلګرۍ له لارې د هويت د تصدیق لپاره غوښتنه وکړي.
د تذکرې ورکړه دا مهال ممکنه نه ده؛ له همدې امله دا خدمت په اوس وخت کې نه وړاندې کېږي.
مهم معلومات او لارښوونې
- غوښتونکی باید شخصاً جنرال قونسلګرۍ ته حاضر شي. دا سند د غوښتونکي له حاضرۍ پرته، د پوست یا انلاین له لارې نه شي پروسس او صادرېدلی.
- مهم: غوښتونکي باید مخکې له مخکې د لاندې لینک له لارې ځان ته ملاقات وټاکي: [ترمین].
بې له ملاقات ټاکلو د قونسلګرۍ ته ورتګ اجازه نه لري. - ماشومان باید د خپل مور او پلار یا قانوني سرپرست سره یوځای د قونسلګرۍ عمومي دفتر ته ورشي.
- غوښتنلیکونه یوازې د جنرال قونسلګرۍ په رسمي کاري ورځو او ساعتونو کې منل کېږي.
اړین اسناد
د تثبیت هویت سند لپاره د غوښتنې لپاره لاندې اسناد اړین
- د خپلې تذکرې او د خپلې کورنۍ د دوه نږدې غړو د تذکرو کاپي: غوښتونکی باید د خپلې تذکرې کاپي او د خپلوانو (لکه پلار، ورور، نیکه، تره، یا د پلار له طرفه د تره زوی) د دوو نږدې غړو د تذکرو کاپيانې وړاندې کړي.
- د جرمني د استوګنې جواز ثبوت: غوښتونکی باید د خپل اوفینتالتستایتل/پرسونل هوزوایز / [نمونه] کاپي (دواړه خواوې – چې د دارنده نوم او پته څرګندوي) وړاندې کړي.
- د ملاتړ اسناد: هغه اسناد چې د افغانستان د حکومت له لوري د آلمان ته د راتګ دمخه صادر شوي وي؛ لکه: دیپلومونه، د رأی ورکولو کارتونه، د نظامي خدمت کارتونه، او داسې نور.
- د پاسپورټ-سایز دوه قطعه انځورونه: متقاضي باید دوه نوې پاسپورټي انځورونه، د سپین شالید سره وسپاري. انځورونه [نمونه]
- ډک شوی د غوښتنلیک فورم: فورم ترلاسه کړئ او ډک یې کړئ. فورم له دې ځایه ښکته کړئ: [دلته].
د سند صادرول
دغه سند به د لاندې مرحلو تر بشپړېدو وروسته په هماغه ورځ جاري شي:
حضوري مرکه: غوښتونکي باید د قونسلګرۍ عمومي دفتر ته حتمي مرکه لپاره حاضر شي، چیرې چې به یې پېژندنه د وړاندې شویو اسنادو او د غوښتنلیک پر مهال د ورکړل شوو معلوماتو پراساس تایید شي.
فیس: د هویت د تصدیق فیس ۷۰ یورو دی. پیسې د بانک کارت له لارې ورکړل کېدای شي.
په هماغه ورځ صدور: کله چې ټول شرایط پوره شي، سند به هماغه ورځ د رسمي کاري ساعتونو په ترڅ کې صادر شي.
مهم ټکي
- د اسنادو چمتووالی: ډاډ ترلاسه کړئ چې ټول اړین اسناد له ځان سره راوړئ، ترڅو د پروسس په بهیر کې ځنډ رامنځته نه شي. نیمګړي غوښتنلیکونه به نه منل کېږي.
- د ملي هویت سند بدیل نه دی: د تثبیت هویت سند د افغانستان د تذکرې یا پاسپورت بدیل نه بلل کېږي. دا سند یوازې د متقاضي د هویت د ثابتولو لپاره صادریږي.
- که تذکره لرئ، اړتیا نشته: هغه افغان اتباع چې دمګړۍ بااعتباره تذکره لري، د دغه سند د اخستلو اړتیا نه لري.
- د آلمانیو ادارو ملاتړ: دا سند په ځانګړې توګه د دې لپاره طرحه شوی چې د افغان اتباعو سره د آلماني مقاماتو د قانوني یا اداري غوښتنو د بشپړولو په برخه کې مرسته وکړي.
