د مجردۍ سند د ترلاسه کولو لپاره، لاندې اسناد اړین دي:

• د مجردۍ سند فورمه: درخواست کوونکي باید دا فورمه په بشپړ ډول د ځان، درېو تصدیق کوونکو او دوو شاهدانو د معلوماتو سره ډکه کړي. سربېره پردې، درخواست کوونکي، درې تصدیق کوونکي او دوه شاهدان باید خپل انځورونه ضمیمه کړي او لکه څنګه چې غوښتنه شوې وي، خپل لاسلیکونه یا د ګوتې نښه ورکړي. دا فورمه یوازې له [دلته] څخه ښکته کېدای شي.
• د افغانستان تابعیت ثبوت: غوښتونکي، درې تصدیق کوونکي او دوه شاهدان باید خپله اصلي تذکره، برېښنايي تذکره یا د افغانستان پاسپورټ د اړوندو کاپيانو سره وړاندې کړي.
• د آلمان د اقامت جواز ثبوت: غوښتونکي، درې تصدیق کوونکي او دوه شاهدان باید د خپل اقامت جواز (Aufenthaltstitel) یا پېژندپاڼې (Personalausweis) کاپي (دواړه مخونه چې د لرونکي نوم او پته ښکاره کړي) وړاندې کړي. [نمونه]
• د پراخې ثبتونې سند: غوښتونکي باید یوه Erweiterte Meldebescheinigung [نمونه] وړاندې کړي، ترڅو دا ثابته کړي چې هغوی له افغانستان څخه د وتلو او په آلمان کې د پناه غوښتنې پر مهال د ۱۸ کلونو څخه کم عمره وو.
• د پاسپورټ د اندازې دوه انځورونه: غوښتونکی، درې تصدیق کوونکي او دوه شاهدان باید په سپین شالید کې دوه تازه اخیستل شوي انځورونه وړاندې کړي. عکس [نمونه[